તારા આગમન ની આસ થી દેહ માં મારા જીવન લાગે છે
તારા આવવાથી જીવન નો અર્થ સાર્થક લાગે છે

હથેડી માં નસીબ ની આડી અવળી રેખાઓ માં જાણે
ભટકતા મુસાફર ને હમસફર મળી ગયો લાગે છે

પાંપળ માં સંતાડયા છે આંખોના કીમતી મોતી જાણે
નીતરતી લાગણી ની ભીનાશ માં ડુબેલા લાગે છે

ગગન માંથી ખેંચી લાવુ એક વાદળીને આ હૈયા સુધી પણ
જાણે કેમ પ્રીત ના પગરવ મને સુકાયેલા લાગે છે

પતંગીયા પાછળ દોડયા કરે છે મન એમને પામવાને પણ
એમની ચંચલતા માં છુપાયેલા અગણીત સવાલો લાગે છે

કીનારે આવીને પણ ક્યારેક ડુબવાની ઇચ્છા થાઇ છે
હવે તો શ્બ્દો પણ મારા એમની યાદ માં ભીંજાયેલા લાગે છે


- - - -
પહેલી
- - - -

બેઠી હતી તારા વીચારમાં ને
લખતા લખતા ઘણું લખાઇ ગયુ

નોહતુ લેવુ પ્રેમનુ નામ
છતાયે લેવાઇ ગયુ

બેઠી હતી હું અંતર ગુચવાડા માં અટવાઇને
અને ઝીંદગી ના હીસાબ ના
સરવાળા માં તુ જ આવ્યો

પરીભાષા સમજી નોહતી
પ્રેમ ની અને પ્રેમ નું તારામહી
વ્યકરણ રચાય ગયુ

ગઇ હતી દરીયા પાસે નદી બની
મળવા ત્યા જોયુ તો રેત પર
તારુ નામ અંકાઇ ગયુ

સ્વાર્થી દુનીયા નહી જાણી સકે
આપણા પ્રેમ ને એ બધુ
લુંટાઇ ગયા બાદ સમજાય ગયુ


દુનીયા કહે છે પાગલ આ પહેલી
ને પ્રેમ માં શુ દેખાઇ ગયુ?

હું તો તારા પ્રેમ નુ દર્પણ ઓઢી ફરુ છુ
ને લોકો ને એમાં સત્ય દેખાઇ ગયુ


- - - -
પહેલી
- - - -

પોષ ની શીત લહેરો માં
મમતા ની હુંફ રૂપી રાહત એ
તારૂ મારા જીવન માં આગમન

વૈષાખ ની બપોર માં ઘેઘુર વડલા ની
છાંયા ની ટાઢક રૂપી રાહત એ
તારૂ મારા જીવન માં આગમન

શ્રાવણ ના મેઘ તાડવ માં નાવ રૂપી
મંઝીલે પહો્ચવાની રાહત એ
તારૂ મારા જીવન માં આગમન

પાનખર ના પતજર માં બાગ ને
ગુલદસ્તા થી સજાવા રૂપી રાહત એ
તારૂ મારા જીવન માં આગમન

- - - -
પહેલી
- - - -

સુખ મળે કે દુ:ખ એ
જીવન ની વાસ્તવિક્તા છે

ઉલ્લાસ ના આચરણ થકી
સદા રહેજો મહેંકતા અને
મન મા રાખજો આપના
પર્વત સમી અડગતા

નદી અને સમંદર ના નીર્મલ
અને ખળ - ખળ વહેતા
પ્રેમ રૂપી જળ હૈયા માં પણ
અનંત કાળ સુધી વસાવજો

હસવુ-રડવુ, જીવવુ-મરવુ ,
વ્યાધી- ઉપાધી છોડો બધી
નીરાશા , દિલમાં વસાવો
બસ પ્રેમ ની જ એક આશા

- - - - -
પહેલી
- - - - -

વસંત ની એ સાંજ અને
નીર્મળ એ લહેરખી
સાંજની એ ઝાંખપ માં
હળવુ આપનું આગમન


સાથે એ આવે સામે અને
ફરી તાજુ થાય રમ્ય
ઉગતા ચંદ્ર ની એ સંધ્યા
અને મન ની હળવાશ

દિલનાં ભાર ને આજે પણ
હળવો કરે નિત્ય મળે
જો મન સુધી તો બને
આવી સાંજ મધૂર

સર્જાય સંજોગો એવા
અને અનૂભુતી અગમ્ય
ભુલવા સંસાર ને નીર્મળ
અને નીર્દોષ આ ઘડીઓ

સ્પર્શ એનો સુંધીત અને
સ્મરણ ની ક્ષણો ધન્ય
હકીકતો થી દુર ખયાલો
ની આ ક્ષણો ધન્ય

- - - - -
પહેલી
- - - - -

એ દિલ તને હું પુછુ છું કે
ચાહવુ એટલે શુ?

તને હુ ચાહું છુ એટલે
ઓગળુ છું સતત બરફ ની જેમ
પણ ચાહવાના અર્થ ને
પામી સકેલ નથી

કદાચ તને ચાહવું એટલે
ધોધમાર વરસાદ માં
કોરા-કટ રહી જવું તે

કદાચ તને ચાહવું એટલે
વ્રુક્ષ થઇ ને ફળ્યા
વગર રહી જવું તે

કદાચ તને ચાહવું એટલે
ભર વસંત માં પણ
પાનખર ની અભીલાષા તે

એ દિલ તને હું પુછુ છું કે
ચાહવુ એટલે શુ?

- - - - -
પહેલી
- - - - -

હું તને ચાહુ છું!
તારા વ્યક્તિત્વ કે બાહ્ય છાપ માટે નહી

પણ તે મારા વ્યક્તિત્વ ને જે
રૂપ આપ્યુ છે તેની ચાહત છે!

તું જે છે તેને માટે નહી
પણ તારા જ સંગાથે હુ
જે બનું છુ તેની ચાહત છે!

મારા હ્રદય માં ઝાખી તેમાથી મારી
અપુર્ણતા ને હળવે થી દુર કરી મને
પુર્ણ બનાવી તેની ચાહત છે!

મારા જીવન ની કર્કશતા ને દુર કરી
તેમા પ્રેમ નુ સંગીત આપ્યુ
તેની ચાહત છે!

અદ્રશ્ય અને અસ્પર્શ્ય રહી
મને સતત રહેતો તારા અસ્તિત્વ નો
એહસાસ એ તારા પ્રેમ ને હુ ચાહુ છુ

હું તને ચાહુ છું!
- - - - - -
પહેલી
- - - - - -

તુજ સંગાથે મુજ જીવન રૂડુ ને મન ભર્યુ
તારા વીના ભવન બને જાણે ખંઢેર

તારી એક ઝલક માટે મને હરણ ના
મ્રુગજળ ની તરસ માટે ની તલબ

હોઇ જો મુજ સંગાથે તો હર ક્ષણ બને
નવજીવન અને હર દિન દિપાવલી

છે બધુજ મારા માટે સંસારમાં પણ
હું તારા જ માટે નથી એ રંજ છે

શ્બ્દો નથી આ,પણ તારી જુદાઇ મા
દિલ ની વ્યથા નીચોવી છે

નથી સહેવાતી આ લગોલગની જુદાઇ
દિલ મા થી નીકળે છે બસ એજ દુહાઇ

- - - -
પહેલી
- - - -

ગતિ આપણો સ્વભાવ છે ને
ચાલવુ આપણી ચાહત
ઝીંદગી ની આ સફર
વણથંભી નીવડે તેવી ઝંખના હોય છે

લગન ની સાથે લાગણીઓ હોય અને
સ્નેહ ની સાથે સનેપાત હોય

પણ ચીત ક્યાક જુદા જ
વમંણ રચતુ હોઇ તો
આ મનોમંથન નું મુલ્ય શુ?

રાત્રે આખોં બંધ કરીને કરાતો પ્રેમ
સવારે ખુલ્લી આખેં જીવન નો
આધાર સમો પ્રેમ હોય છે
આ વહાલ ના દરીયામાં આવનારુ જ
કોઇ ના હોય તો હ્રદય કુંજમાં ઉભરતા
પ્રેમ નુ મહત્વ શુ?

પણ ઝીંદગી સાથે મરવાની સજા
રોજેરોજ હોય તો? અપેક્ષા ઉપેક્ષા
માં જીવવાનો અર્થ શુ?

એક આખં માં મીલન અને
બીજી આખં માં વીરહ
એ જીવન નો અર્થ શુ?

- - - -
પહેલી
- - - -

પ્રેમ એટલે ખીનખાબી સાથ
કે સુરખાબી સમણા ?
પ્રેમ એટલે બાવરી રાધા
કે મગન મિરા ?

પ્રેમ એટલે શાસ્વત ઝંખના
કે ઝડહળ જીંદગી ?
પ્રેમ એટલે જયા આ બધા જ
સંબંધો પુરા થાય ત્યા

એક નવો તારો ઊદય થાય ત્યા
મારા અસ્તિત્વ ના આકાશ માં
તારા નામ ની સાંજ અને
શ્યામડી સવાર પણ

- - - - -
પહેલી
- - - - -

આંસુ સુકાય જાય પછી
મળવા આવે એ સંબંધ છે
પણ આંસુ આવે ત્યારે
આવી જાય એ ગમે

ઘર હોય એટલે
સરનામું તો હોય જ
પણ મનગમતા સરનામે
ઘર બની જાય એ ગમે


- - - - -
પહેલી
- - - - -

સુર્યાસ્ત તારા સસર્ગ નો
ને ઉદય તારી જ યાદ નો
એવો નિત્ય અનુબંધ રહ્યો
તારા પ્રત્યે મારા પ્રેમ નો

ચંદ્ર ની નીલીમા અને સુર્ય ની
વિશાળતા ના ખયાલો તું
કુદરત ની સાદગી સમી એક કલ્પના તું
આનંદના અંતર માં ખીલતો હર્ષ તું

સ્વાર્થ ના વમળ થી સદા નીર્લપ તું
સમર્પણ ના સનીધ્ય માં મળતો તું
સંધ્યા ની સજાવટ સજાવી રહી સમર્પણ
ને ત્યાગ ના શ્વાસો ભીંજવતો રહ્યો મનમા તું

- - - - - -
પહેલી
- - - - - -

મળે નહી લખવા શબ્દો
તારી આ યાદ ના
એટલે ઘુંટી ઘુંટી ને
સ્મરણુ છુ તારી યાદ ને

લખવા બેસુ જો ગઝલ તો
શ્બ્દો પણ મળે તારી યાદ માં
અરમાનો સજાવ્યાતા
અંતે મે તારી યાદ માં

આખોં બંધ કરી વીહરતી
તારી આ યાદ માં
શ્બ્દો નાઅર્થ અને પળે પળ
તારી આ યાદ માં

સમય ને પણ બનાવી લઉ
ગુલામ તારી યાદ માં
પણ હકીકત બની કેમ ન
આવતા મારી રાહ માં


- - - - -
પહેલી

નામ નહી પણ અનામી તેવો આપણો પ્રેમ
શબ્દો અને કલ્પનાઓ થી પર આપણો પ્રેમ

એક-બીજા ના વિશ્વાસ થી બંધાયેલો
અને એક-બીજા ની તરસ છીપાવતો

એક-બીજા ના શ્વાસ ના તાંતળે બંધાયેલો
અને એક-બીજા ના બોલ ના સહારે ફલતો

એક-બીજા ના મીલન ની આસ માં
ભવ સાગર તરી જવાતો હોય છે

જે બધાજ સંબંધ થી ન્યારો લાગણી ની પાંખે
ઉડાન ભરતો અને ઊર ની ઉર્મી માં ઉછેરતો

નામ નહી પણ અનામી તેવો આપણો પ્રેમ
શબ્દો અને કલ્પનાઓ થી પર આપણો પ્રેમ

- - - -
પહેલી
- - - -

પ્રેમની વ્યથા મે નિહાળી છે

મીઠી કટારીની ચુભન
મે દિલ માં ઉતારી છે

વિરહ ની આગ ની
વેદના મે જાણી છે

એમની મીલન ની આસમાં
મ્રુગજળ ની પ્યાસ મે માણી છે

રોજ રાતે નિંદર ને એમના
ખ્યાલો માં જતા જોયેલી છે

યાદમાં એમની દિવસ ને
રાત ની ને રાત ને સવારની
ઇંતઝારી પામી છે


- - - - -
પહેલી
- - - - -

તારા મીલનની તરસમા અનેક
સાગર છલકાતા રહી ગયા,

હસવાની એક રીત
શીખી હતી તારી પાસે થી
મારા દુ:ખ ને છુપાવે તેવા
હાસ્ય અધુરા રહી ગયા

તારા ચેહરાને હુ શોધુ
દર્પણ માં અને તારી
એક ઝલક ના ઓરતા મારા
અધુરા રહિ ગયા

પ્રેમ તો મે કરી જાણયો પણ
પ્રીયતમ ના આંગણ સુધી
પહોચાડે તેવા શીખર
અધુરા રહિ ગયા


આમ તો છે બધુ જ પરીપુર્ણ પણ
તારી પહેલી પ્રેમ થી છલકાતી
હોવા છતા અધુરી રહી ગઇ

તારા મીલનની તરસમા અનેક
સાગર છલકાતા રહી ગયા,

- - - -
પહેલી
- - - -

અશ્રુ સંગાથે કાળુ કાજલ ઝરે છે
ને આખોં માં હવે લોહી ભળે છે !

નીંદર બીચારી પાછી વળી ગઇ
પામવાને કોઇની પ્રતીક્ષા નડે છે !

- - - - -
પહેલી
- - - - -

બે હ્રદય ને આમ તડપાવે છે આ પ્રેમ
મન રડે અને આંસુ વરસાવે છે આ પ્રેમ

લોહ માથી કાચ થઇ જાય એમ
દુશ્મની પણ પલટાવે છે આ પ્રેમ

એક સરખા દિલ મળે જો જીવન રાહ માં
તો ધરા પર સ્વર્ગ ઉતારે છ આ પ્રેમ

લાગણીના મારા આ શબ્દો ઉકેલજો
જીંદગી નો અર્થ સમજાવે છે આ પ્રેમ

જેને તમે દીવસ ભર યાદ કરો છો એ
મીઠી યાદ નુ સોનેરી સપનુ લાવે છે આ પ્રેમ


- - - -
પહેલી
- - - -

તુજ હ્રદય માં ધબકાર બની વસી જવું છે
તારા અધર પરનું સ્મિત બની વસી જવું છે

ધુમાડાના ગોટા બની નથી ગુંગળાવો પ્રેમ ને
મારે તો બસ વાદળ બની વરસાવો છે પ્રેમ ને

નથી મંજુર મને ચાર દીવાલ નું કેદખાનુ
મારે તો બસ રેત નું ઘર બની મટી જવું છે

ભરતી અને ઓટ સમાવડુ સૌ જીવે પણ
મારે તો ઝાકળ ની બુંદ બની વેખેરાય જવું છે



- - - -
પહેલી
- - - -

જીંદગી માં જે અમુલ્ય હોય
તે જ ગમે છે ત્યારે મળતુ નથી
વાતો કરવી છે દિલ ની પણ
આપણો સમય હોતો નથી

સમય ના વહેણમાં ભીંજાયે છીયે
આપણે ને લુછણુ મળતુ નથી
પ્રેમ બોલવે તારી પાસે ને તારા સુધી
પહોચવાનો રસ્તો મળતો નથી

આખો રેલાવે છે તારી યાદો ના સૂર ને
પ્રતિસાદ નો સંકેત મળતો નથી
નીકળી જાત જીંદગીની હારેલી બાજી જીતવા
પણ તારો હાથ મારા ભાગ્ય માં મળતો નથી

- - - - -
પહેલી
- - - - -

ટેરવા ને તરસ છે તને સ્પર્શવાની
આંખો માં ઇચ્છા છે તને નિહાળવાની
દિલ માં આશ છે તને ચાહવાની
મન માં ઊમંગ છે તને મળવાની
શ્વાસ માં મહેંક છે તારા મીલનની
હૈયા માં જોમ છે તારા પ્રેમ-સાગરની
નજર થી દુર છે તુ પણ
દિલ ની લગોલગ છે તુ

- - - - -
પહેલી

- - - - -